الركن الهــادئ

·      ذهابي الى المسيره ( اليوم الوطني 40 )

في هذا اليوم كان يوم من الايام السعيده اللي مرت بحياتي بس في اشياء وايد بالعتنها.. ههههههه

المهم رحنا العصر خذينا استكرات واعلام والرش تاارسينه ( الرش الملون و الرش بالخيوط ) << طبعاً الكل يعرفه ... و ردينا البيت ويلسنا نعابل بالسياره انا واخويه وعقب ما خلصنا تقريبا الساعه 5 ونص او 6 الا ربع..

ورحنا لبسنا وخلصنا ولقطنا الصغاريه معانا ومشينا واول ما وصلنا شارع جميرا , اخويه سوى اخسااس فيـــييه راح وبطل الدريشه الي صوبي وانا ما انتبهت لاني كنت ارتب الصغاريه والبسهم الكبوس وعطيتهم الرش .. المهم ويوم لفيت ويهي الا حصلت اخويه الثاني لابس سكيت وحاط شنطه فظهره كلها رش والمهم وجان اييب الرش ويرشه فويهــي السخييييييف ههههههه ,, بس والله رديت وسويت الحركه فالاثنيييين .

المهم ونحن ماشين يونا شباب جدامنا الله يهديهم رفعوا المساحات اللي جدام عند الدريشه تمو يرشون الدريشه ومول توهقنا  و ما قمنا نشوف شي وعقب نزل اخويه وقام ينظف وانا عاده عصبت جان افتح الدريشه ومر واحد جان اسير وارشه رش هلكته و هلكت اللي يابه .. المهم جيه استانسنا وسوينا جو وجييه وعقب ردينا البيت بس ما طولنا ...

اختكـم : سميه المري