رحلـتي إلى صلاله

السلام عليكم ورحمة الله ..

هلا والله بكم اخواتي وحياكم الله ..

في الحقيقه تتميز صلاله بأمرين مهمين اول شي عندهم جمال الطبيـعه و الشي الثاني برودة الجو . و صلاله وحده من مدن دول الخليج لا تختلف في العادات والتقاليد والمهم في ذلك حسن معاملة أهلها للسياح وعدم وجود الغش والسرقة والاستغلال السيئ والذي نعاني منه وللأسف في اغلب الدول العربية والجميع يعرف ذلك ..

والحيــن نبــدأأ ..~

وفي رحلتنا مشينا درب من دبي طبعا مع الاهل كنا ثلاث سيارات ..

وتحركنا الصبح الساعه 9:00 او 9:30 تقريبا و وصلنا الساعه 10:30 او يمكن 11:00 الفليل وكملنا مثل ما تشوفون 14 ساعه فالدرب لين ما وصلنا الشقه .

وفي اليوم الثاني رحنا صوب الجبال الخضراء أنصحكم استخدام كريم واقي من البعوض وإلا ستكون النتيجة معاناة مع قرصات النامس المؤلمة والتي تظهر آثارها سريعاً ولن تذهب مباشرة الا بعد ما تولعون النار و تقعدون صوبه راح يخوز البعوض وما بيقرب منكم وبعد ما يلسنا نسولف وناكل ونحن سايرين صوب السياره حصلنا حد من الصغاريه فاتح باب السياره و راح عنه قعد يلعب ويوم ركبنا السياره ما شاء الله البعوض داخل وقعدنا نطلع ما عرفنا شو نسوي وفتحنا الدرايش ومشينا ورحنا بعيد ولين ما افتكينا من البعوض رحنا قعدنا فمكان فيه جبال بعد ومنظر حلو قعدنا هناك نطبخ ونسولف وعقب ما خلصنا رحنا شوي بالسياره نتمشى وعقب ردينا الشقه.

وفي اليوم الثالث ذهبنا الى الجبال و الضباب ورذاذ المطر في المدينة ينعشك لآخر درجة وتمينا نسولف ونلعب ونتغدا وعقب قرب المغرب ونحن رادين الشقه على طريقنا فالشارع مرينا على هنود على الشارع صافينهم يبيعون الجوز الهند والموز و قصب السكر وانا ما خلينا شي لقطنا كل شي و انا شربت جوز الهند بس ما عيبني وايد وسرت عطيته اخويه وراح فراه على الارض وردت نقزت فوت زين انا ما يت على راسه .

لقد عدت من صلالــه من ثلاث سنيــن تقريباً وكانت الرحله جداً رائعه

والايام كلها هذا حالنا وصارت اشياء وايد حلوه و وايد استانست واسمحولي اني ما كتبت كل شي بالتفصيل اهم شي اني لخصتلكم تقريباً بس مب كل شي و بعد اسمحولي اني ما حطيتلكم الصور لاني ضيعت الهاردسك ..=)

اختكم: سميـــه المري